Alijon Boymatov - Qanday unutay

Alijon Boymatov - Qanday unutay

Men qanday unutay ovozlaringni 
O'sha erkaligu va nozlaringni
Men qanday unutay har gapingdaa
Jonim deya qilgan ezozlaringni

Men qanday unutay o'zing o'ylab ko'r
Dunyo go'zallari sendan emas zo'r
Jonimni kuydirar, sening ko'zlaring
Sening muhabbating qalbimdagi qo'r

Men qanday unutay iforingni ayt
Oppoq bo'yningdagi tumoringni ayt
Muhabbat bog'idan qoldim ketolmay
Anjiringni ayt, anoringni ayt

Men qanday unutay haroratingni 
Qo'ynimdagi huzur halovatingni 
Men qanday unutay qo'shiq kuylasam
Birgalikda aytgan naqoratingni.....

Men qanday unutay qiliqlaringni 
Menga bo'lgan mehri iliqlaringni
Men qanday unutay qanday unutay
Qaro qoshlaringni, kipriklaringni 

Men qanday unutay gumoningni qo'y
Rashk qilar odating, yomoningni qo'y
Agar oshiqlaring mingta bo'lsa ham
Hammasidan ustun Javloningni qo'y