Nilufar Usmonova - Musofir ayol

Nilufar Usmonova - Musofir ayol

Besh kunlik dunyoda uch kun yig'lasalar
O'z vatanin diydoriga to'ymasalar
Dardin ichga yutib pinhon yig'lasalar
Oson tutmang bu musofir ayollarga
Alla qanday o'y kelmasin hayollarga

Qaysi toshga urilmadi boshlari
O'zga yurtda minatli yegan oshlari
Yig'lay verib qolganmikan ko'z yoshlari
Oson tutmang bu musofir ayollarga
Allaqanday o'y kelmasin hayollarga

Undaylarning yarim ko'ngli to'lmaydi hech
O'zga yurtning dunyosiga ko'nmaydi hech
Yaqinlarin diydoriga to'ymaydi hech
Oson tutmang bu musofir ayollarga
Allaqanday o'y kelmasin hayollarga

Ro'zg'orimda bir kamimni to'ldiray deb
Farzandlarin orzularin bo'ldiray deb
Hech bo'lmasa bitta kulba qoldiray deb
Yurgan beva ko'z tegmasin ayollarga
Allaqanday o'y kelmasin hayollarga

Asragin yolg'on gumonlardan
Asragin turfa ilonlardan
Asragin nomard yomonlardan
Barchasi dan o'zing panoh ber

Asragin nohaq bo'xtonlardan
Asragin o'tli sinovlardan
Asra shaytonlarning makridan
Barchasidan o'zing panoh ber